الحب و المادة

كل واحد فينا نفسه يعيش قصة حب مفعمة بالمشاعر وملتهبة العواطف زي مابنشوف كد في الافلام العربي وكلنا أومعظمنا بندور علي الرومانسيه وساعات بنلاقي الحب ده وطبعا بيبقي الواحد طاير من الفرحه وعلطول بيروح جري علي البنت اللي قلبه دقلها وأول مايقف قدامها الكلام يبدأ يروح ولسانه يحس إنه معلش في اللفظ إتشل المهم كلمه من الشمال وكلمه من اليمين يبدأ يصارحها بحبه وياسلام بقي لو كانت بتبادله نفس المشاعر طبعا تبقي امه دعياله وطبعا بيبدؤا يعيشوا قصه حب حلوه مع بعض وتعدي الايام وربما السنين وحبهم بييزيد لغاية مايبدأ الموضوع في الجد يعني الواد يصارح اهله وياخدهم علشان يتقدمواوتبدأ قاعده الإتفاق قري الفاتحه يعني0 وساعتها يحصل اللي ماكنش متوقع طبعا ابو العروسه قاعد ولا الاسد مستني ينقض علي الفريسه اللي جايه لحد عندهولازم طبعا يمصمصهادي فرصه ومش هتتعوض الواد دايب في دباديب البنت وهيضحي طبعا علشان يحافظ علي حبه ويطلع راجل قدمها طبعا يبدأ في عمليه السرقه بالإكراه طبعا عايز شبكه بعشرين ألف وشقه تمليك والفرح في فندق ويكون فيه بوفيه مفتوح اوعلي الاقل يكون فيه وجبات علشان المعازيم وفستان الفرح مش عارف بكام ألف وكذا وكذا00000000

لغايه اما الواد يحس ان الدنيا ضلمت في عنيه وان حياته بتنهار قدامه وطبعا هيه قاعده لا حول لها ولا قوة وياعيني بقي لو كانت دي طبيعتها يعني سلبيه ساعتها تبقي المصيبة مصيبتين 0قولولي ازاي شاب لسه مثلا مخلص كليه ولسه ملصم نفسه في شغلانه واهله هيساعدوهفي الجوازاومفيش حد هيساعده يقدر يوفر ويجيب كل الحاجات دي طبعا بالتاكيد اول حاجه هيعملها انه هيضحي بحب عمره ويروح يشوف اي جوازه سهله واي بنت المهم يكون ابوها مهاود ومش ضروري يكون بيحبها او لأ0ده طبعا كان الجانب الكويس شويه في المشكله دي اما الجانب التاني اللي انا بسميه من مصايب الزمن اما يكون الشاب من دول عايز يعمل ويسوي ويجيب كل اللي ربنا يقدره عليه ويبدأ بقي يقول انا هجيب شبكه بكذا وموبيليا بكذا وانا مبجبش حاجه اي كلام وده كله طبعا من حبه للانسانه دي إن هو عايز او نفسه يسعدها ويعيشها ويعاملها كملكه 0في الوقت ده يبدأ اهلها يعرفوا ان العريس ده مضحي وشكله كده مليان وهيريحنا علي الآخر وهنا يبدأ الطمع وعايزين ميجيبوش حاجه خالص بس طبعا معدش حد ساذج اوعبيط وساعتها بيحس إن الناس دي بتستقطعه او بتستغله وعايزين يوفروا علي قفاه والدنيا بتضلم في وشه ومعدش عارف يعمل ايه هل يقبل الوضع ده ويحافظ علي حبه أو ميقبلش ويضحي بحب حياته وهي دي المعادلة الصعبه بس طبعا لو وافق هيفضل طول عمره حاسس انه بيتعامل علي انه خزنه فلوس وده طبعا بيقتل الحب اللي كان جواه0أنا عايز أعرف ليه الناس بتعمل كده هل الناس دي كلها اللي إحنا شايفينها بتتشرط دي كانوا متجوزين كاملين المعاني ولا بدأوها خطوه خطوه نفسي كل واحد من دول يعمل لحياته فلاش باك ويشوف نفسه كويس هو إبتدي إزاي وساعتها كل الامور دي هتتلاشي من حياتنا ويمكن نرجع نلاقي الحب اللي إحنا بندور عليه0معلش وجعتلكم دماغكم

يلا سلام