في حاجه غريبه كنت بحس بيها كل سنه وفي نفس الميعاد
وده كان في شهر رمضان كنت بشم للجو ريحه غريبة مش
عارف اوصفها إزاي بس الريحه دي كانت بتخليني احس
بإحساس روحاني جميل0
انتوا عارفين ساعات كده تشموا ريحه اونسمه هوا او عطر
معين يفكركوا بمكان اوزمان اوفترة في عمرنا اوبشخص
بنحبه
هي زي كده بالضبط0بس دلوقتي مش عارف ليه كل حاجه حاسس
انها اتغيرت حولينا حتي ريحه رمضان اللي كانت بتحسسني بروحانيات
رمضان مش عارف معدتش بتيجي في ميعادها0
ياله هو ايه اللي فضل زي ماهوه0بس المهم احنا نحاول مانتغيرش.زي ماكل حاجه بتتغيرونحاول نحافظ علي الحاجات الحلوة اللي لسة فينا
هناك ٤ تعليقات:
يا سيدى
كل حاجة اتغيرت وماعادش فيه شىء زى زمان
هتيجى على رمضان وتقف
ربنا يستر علينا
كل عام وانت طيب
والسلام
والله فعلا يا هندسة رمضان وجوه اتغيروا والواحد مبقاش حاسس بيه زى كل سنة بس هنقول ايه ؟؟
يلا كل سنة وانت طيب
تخاريف دكتور
وانت طيب
عندك حق
بس شكلنا احنا اللي كبرنا يامعلم
إرسال تعليق